https://zh-yue.wikipedia.org/wiki/%...%9A%B4%E5%8B%95
六七暴動，又叫做六七左派工會暴動、五月風暴，左派人士稱之「反英抗暴」。呢單嘢係1967年5月6號喺香港開始，其後陸續爆發連串暴動事件，後嚟以年份命名事件叫做「六七暴動」。
六七暴動係香港歷史上最大鑊�H社會動亂之一，死亡人數第二多。事件由最初�H罷工、示威，發展到後期搞暗殺、四圍放「菠蘿」1（炸彈）。而原因係多方面，除咗當時大陸文革背景之外，社會上亦有好多唔同�H矛盾，例如港英政府長期壓迫香港�H親共左派、澳門一二三事件、香港天星小輪加價事件，都係引發六七暴動�H導火線。
呢次暴動令香港政府更加注意香港福利政策。而香港親共左派因暴行失去民心，勢力大減，要到1997年後才有所轉變。
5月11號，新蒲崗塑膠花廠工潮演變成暴動，工人聚集喺新蒲崗街道外便，引來成千人聚集，同警察對峙，又用石頭、玻璃樽襲擊警員。警察開槍鎮壓。暴徒到處阻塞交通，截停巴士，擲石燒車燒雜物，整爛交通標誌。當局鑑於事態嚴重，於當晚宣佈東九龍實施宵禁，所有後備警員取消休假候命，事件中有百多人被捕，並造成兩人受傷。
5月12號，暴亂持續，新蒲崗對面東頭村有燒車，燒巴士，擲石。警察拉咗106人，有14人傷，警察遇襲受傷12人，喺黃大仙徒置區第26座2樓發現有一青年畀石塊重擊而死。
5月13號，九龍新蒲崗暴動蔓延至黃大仙東頭村同土瓜灣，大批群眾在街上聚集，暴徒放火燒車，破壞路標。又入去黃大仙徙置區職員宿舍、新區辦事處同埋學校搗亂。當局出動大批英軍同防暴隊鎮壓，派直昇機監視暴動，又將宵禁時間提前至傍晚6時開始。之後北京報紙稱「港英政府行為係民族迫害，鎮壓群眾係野蠻�H法西斯暴行」，支持「香港市民上街抗暴」。呢日，左派報紙造謠，話香港斷水斷電。謠言話水電工人互罷工，會斷水斷電，結果個個爭住貯水，搶購燃料蠟燭同米糧。因為大多人開水貯水，水壓下降，部份地方無水。不過香港政府出來闢謠，話米糧食夠四個月用，亦增加水壓，謠言始破。
5月14號，新蒲崗只有零星暴亂，暴亂稍息。
---------------------------------------------
當年英國人不知道開槍殺了多少香港人
