這篇文章不好讀，慢慢讀才能跟與我腦子有印象的音相結合
對我來說趣味是可以，大量獲取資訊不行


〈台語日常〉用珠仔選總統

食飯的時，囡仔談論、分析國際大代誌，我攏恬恬聽——有時根本聽無；一半擺會插喙的只有一寡趣味的小代誌。可比，最近非洲有一個國家選總統用珠仔（彈珠）。

竟然逐家攏無看著這個新聞，問我是按怎選？

我講彼個國家的人民大部份毋捌（不識）字，所以無用選票，是共珠仔囥（khǹg，放）入去有貼候選人相片的票箱，選完了後才共珠仔鋪佇有空（孔）的水泥板頂頭計算，板有200個空和500個空兩種規格。當然珠仔較濟的人贏。

我「替古早人操煩」，「毋知是用啥款珠仔？玻璃、塑膠抑是鉛？若欲偷食步做票，比用紙的選票較麻煩，也較重啊。」

囡仔問我彼是佗一個國家？講著名，我的頭殼就拍結，「敢若叫作、叫作啥物干。」

「烏干達？」

「著著，可能是。」

遮爾無肯定，囡仔猶是感覺懷疑。我講，「彼個落選的總統是獨裁者，已經做幾若任；這遍本來承認失敗，後來竟然講無算，愛閣再投一擺票。」我補充，「彼個獨裁者敢若叫作賈，叫作賈——啥物。」「賈」我用華語講。

有講若無講，囡仔顛倒笑起來，「是食飯抑是食麵？」

那講那想，閣想起一項資訊矣，「彼是和咱有過邦交的國家，舊年抑是前年才斷交。有一年馬英九總統去訪問的時，和彼個總統拚場做伏地挺身。」

囡仔講，「你講的是甘比亞總統賈梅啦。」

著著。

「哈哈，講烏干達嘛無毋著（沒錯），平平有一個甘（干）。」

-----------------------------------------------------------------------

被「彈珠」趕下台 甘比亞總統5度連任失敗