歷史悟出大道理：中國人的抵制是Bullshit
Lancôme，我會叫佢簡稱（LNC，Lor Lai Chin）「自閹」變國際政治新聞，仲有內地網民「誓言抵制所有表態撐何韻詩的品牌」，大家都可能會戥阿詩擔心，會唔會有品牌真係怕咗呢班內地網民抵制，而唔敢搵阿詩做代言？咪天真啦，你唔係信內地網民真係抵制呀化？
自古以來，抵制一個品牌，從來都係考慮一個團體�H團結度，係睇到底佢哋可以抵受得到幾大誘惑，堅持自己理念，死都唔買抵制目標。至於中國人，你叫佢跟宋仲基講「團結」就得！
我用「抵制日貨」去做例子，夠公平吧！大佬，去國家級層面，事關重大，理應最團結。不過，事實上，中國所謂的「抵制日貨」已有百幾年歷史，早於1908年已玩呢味嘢，太遠歷史我唔講，講最近嗰次，2012年日本正式購買釣魚臺，內地8月、9月掀起反日示威浪潮。當時堅混亂，又掟石又盛，日本車銷量又跌，不過世人都知道，咩叫「口裡說不，身體卻很誠實」。
睇返日本國家旅遊局數據，2012年來自中國�H旅客，的確自8月起，月月跌，7月時都仲有超過20萬人次，跌到去11月同12月，得返5萬人左右！嘩！真係好團結呢！癡線，呢段時間咁火紅火綠，俾人知去日本唔怕俾人打咩！
正所謂新年新希望！2013年一年一開閘�H時候（即係1月），去日本�H中國旅客已經回升至7萬，3月就重上10萬，結果去到2015年8月，人數創新高達59.15萬人次！
抵制日貨？咩來架？好平架？係真係好平！2012年8月時（即係開始反日時），每百日圓兌人仔要8算樓上！佢哋越抵制，日圓就越跌！去到2013年1月，即係遊日中國旅客重上7萬時，日圓已跌到去6.78算。至於去到上年7月、8月份，亦即遊日中國旅客人數創新高時，日圓只係5算！
任中國人幾愛國都好，都只會輸俾滙率。真正控制到中國人消費行為，唔係愛國心，而係價錢。
以一個極平�H價錢，去買到出名優質�H產品，冇理由唔狗衝吧？我相信平廁板、平奶粉�H吸引力，絕對凌駕中國人�H愛國心。
關乎中日兩國百幾年恩恩怨怨，尚且只要平就咩都唔記得，證明只要佢哋渴望得到，有幾愛國都照數！抵制？得啖笑。
不過今次呢件事，更加反映中國內地，邏輯錯誤�H人係多到數唔到，到依家都諗唔到，佢哋會因為「愛國」抵制日貨、抵制撐何韻詩品牌；但唔會因為「愛國」，抵制假貨。
魯迅講過：
我們現在所要使人憤恨的是外敵，和國人不相干，無從受害。可是這轉移是極容易的，雖曰國人，要藉以洩憤的時候，只要給與一種特異的名稱，即可放心剚刃。先前有異端，妖人，奸黨，逆徒等類名目，現在就可用國賊，漢奸，二毛子，洋狗或洋奴。
去到今日，魯迅�H分析，仍然適用。
