PCDVD數位科技討論區 - 香港警方警告:離開否則開槍

https://www.facebook.com/dupont.koo...5083616?fref=nf

Elaine Lee (EL)：

「關閉中國呢個世界工廠係美國部署多年嘅計劃，可能有好多人唔信，認為呢啲現象只係純經濟事件，同中國生產成本上升有關，但係經濟背後，往往就有政治作怪。舉個實例，美國多年來都逼人民幣升值，令中國失去價格優勢。又舉個實例：緬甸曾經係中國嘅盟友，緬甸軍政府同中共親如兄弟，但係美國同佢談判，只要推行『民主化』就解除經濟制裁，當然，美國想要嘅民主唔會係真民主，但係投資就係真投資。解除經濟制裁之後好多香港廠商去緬甸做開荒牛，情形就好似三十年前去廣東做開荒牛一樣。香港『廠佬』係中美貿易嘅中間人，係經濟上嘅代理人，專為歐美管理廉價勞工，呢班原本喺廣東嘅人衝晒去緬甸，咁即係意味著美國有意將廣東一省嘅輕工業搬去緬甸，呢個咁吸引嘅條件，緬甸軍政府又點會抵擋得住呢？當然緬甸一國係唔夠嘅，其他東南亞各國甚至遠至南亞嘅孟加拉、印度、斯里蘭卡都參與其中，齊齊瓜分原本屬於中國嘅定單，中國呢個世界工廠又點會唔閂門大吉呢？（相信你呢幾年都留意到衫褲鞋襪個牌仔嘅生產地好多由中國轉咗去東南亞、南亞就知有啲嘢啦﹗）

美國唔會畀中國『大國崛起』，一定會喺呢件事發生之前搞掂中國。『重返亞洲』唔係得個講字，美國要喺亞洲話事，點容得下一個『強國』？關閉中國呢個世界工廠斷其米路根本就係『重返亞洲』嘅其中重要一環。

照現時嘅情形推測，美國會：

一、促使『中華人民共和國』亡國（應該會喺今年郁手，方法係搞一次中國金融危機。）；

二、利用中國人專打中國人嘅特性引發內戰，自己消耗自己國力；

三、視乎情況而用各種或明或暗嘅方式奪取香港，例如夏威夷模式（直接吞併）、關島模式（屬地）或新加坡模式（扶植親美政權以偽民主政制騙取認受性）；利用香港嘅地理位置同特殊條件做『重返亞洲』嘅總部、美國利益喺亞洲嘅中心。（新加坡唔得，因為新加坡連接住嘅係馬來西亞而唔係中國。）香港嘅處境將會大變，一定會影響到各位嘅生活，不過呢啲已經係題外話啦。」

網友 Chit Samuel Lai：

「請教...美國究竟在香港有何利益？奪取香港，對其有何好處？美國要搵做『重返亞洲』嘅總部，點解唔搵日本／南韓？香港有何特殊條件？

EL：

「香港夠細、人口又少，容易操縱。日本南韓雖已經收編，但唔會用嚟做總部嘅原因，係兩國人民都有好強嘅民族性，唔易操縱自如；香港人出名冇國家觀念，政治冷感，又醒目又好用。另外香港亦喺東亞中心，貼住中國（日韓冇中國因素。），得到香港做中心，北至長江，南至印尼，東至台灣，西至中南半島，都成為影響力所及嘅範圍。用實例講，電影係綜合國力嘅表現（陳雲語），亞洲電影業，能夠發揮對外影響嘅，就只有日本、南韓、香港，電影如此，其他嘢都如此。美國要重返亞洲，要搵一個收放自如嘅放大器，非香港莫屬。

「另外，只有中國共產黨咁冇出息唔識用香港發揮對外影響力，當然，佢唔係冇利用香港，但係用得唔好，例如而家推人民幣國際化，就係要利用香港，但係唔見得用得好好，呢個可能同佢嘅政權本質有關，佢甚至推行一啲滅港政策自毀前程，又或者用香港洗黑錢匯出外國，呢啲就係格局細冇大志嘅表現；美國唔會咁用香港。

「基本上，香港係東亞嘅乜乜中心、物物中心，香港太特殊，既有國家之實，但冇國家之名，啲人又好國際化，既黐住中國，又緊貼世界，美國唔佔領香港，根本冇第二個選擇。

「我寫過一篇文（《美軍來了你帶路嗎》），都講過1984年聯繫匯率掛勾美金而非英鎊，係英國向美國託孤，表面將香港交畀中國，暗地裏係畀美國。英國唔話事，由美國話事，英國從旁協助，例如派特務梁振英做特首，破壞一國兩制，激起反中情緒，培養本土意識等等。」

網友 William Lui：

「順帶一提，呢啲靠外資養住嘅中小型零件／代工廠商一旦摺埋，借錢俾呢啲廠嘅銀行一樣瀨嘢，又有大筆壞賬。香港嘅銀行嘅存款中有兩成係借咗俾大陸嘅民企同廠商，真係哈哈哈。」

網友謝維安：

「短期要小心銀行壞賬，和來自大陸失業人口犯罪，長遠有利香港的經濟轉型和政治權力洗牌，要把握機遇，早作籌謀。」

美帝快要動手了，習大大你只有兩條路可以走
要麼讓香港建國，回去解決自己的爛攤子後，跟香港台灣締結邦聯
要麼就亡黨亡國，奉上香港為美帝的屬地，九叭回大陸當個兒皇帝
台灣共和國？你想也別想，乖乖的待在鬼島當一隻豬當奴隸就好了