PCDVD數位科技討論區 - 台灣不是也很多暢銷作家嗎，為什麼沒辦法入圍諾貝爾文學獎

台灣文學喔，你說這個嗎？評審如果看得懂我輸你一塊錢。

Daidiofng Chi ee Daioaan Gybuun Giefnkiux Sia di 11 gueh duea kypan uikii 6 lefpaix 36 diafmzefng ee de 3 kaix ee Daigie Phengym Ji Suzw Giefnsip. Cid kaix giefnsip kafmsia Daidiofng Chixdviuo zexngsaxng hagoaan zheq ee huieiong, koiq kafmsia Binsefng Bunkaux Kikym Hoe ee zarnzo, kab Dionghefng Daixhak Zuie Zugoaan Poyiok Diongsym Teqkiofng kaoseg. Ho giefnsip qoirteeng oanboarn sengkofng..Purn sia ykefng pan kuex svaf pae cid qoarn ee giefnsip. Muie pae cioisiw hagoaan 50 miaa zoyiu, dak kii ee poirmiaa jinsox lorng chiaukuex uxdeng ee miagiah cviaa zue. Zhamkaf kuex ee lauxsw lorng ka yn dongsu kiongliet tuiciexn. Hiexnzai, de 4 kaix kypan jidcie iawbe koatdeng, doi ykefng u cviaa zue laang suxsiefn uxdeng poirmiaa lox.

Cid piexn giefnsip bueq kietsog ee sii, dagke zoix simdeg poirkoix. U kuie ui lauxsw piawsi: “Larn u zef ciaq hoir ee Daigie phengym bunji hongaxn, erngkay chviar Kaoiok Po tuiciexn ho dagke laai swiong. Naxbooi sidzai qoysioiq!” Cid ciorng simsviaf, kisit dak pae lorng uxlaang teqqie.

Purn sia duix Daigie phengym hongaxn ee sirnliam si: "Aix zoix mxkviaf booi lee tafng toaf." Purn sia sidsit-zaixzai deq tuikorng cid toix hextorng ykefng kuie lo nii lox! Kaoiok Po ma bad pofzo purn sia zhutparn phengym chiwzheq, goarn ma u saxng qix ho yn zoix zhamqoir. Purn sia pan kuex zerngseg oanzerng ee suzw giefnsip kenggiam ee zuliau ma u saxng ho Kaoiok Po. Daxnsi, lorng booi sviafmih hoeexng. Zerngzheg ee zeadeng ciar naxbooi sidzex chinsyn giefnkiux kuex Daigie phengym qoirteeng, booi iong Daibuun laai siar cidkoafar buncviw, bueq zaiviar Daigie phengym ji ee hoyzhux, qoyleeng u cidkoafar qurnlaan.

Purn sia sor tuikorng ee Phofsit Daibuun phengym hextorng u kafndafn, oanzerng, kokzex hoax kab zusixn hoax ee degdiarm. Sofie, goarn uexdaxng pan zhud phyncid de id ee giefnsip qoirteeng. Inui cyu iong 26 ee Loimar jixbuo phefng zhud Daigie suu ee ym kab diau, kunpurn doi booi suiaux hoatdiern degpiet ee nngftea, di jixnhooi ee diexnnao kab baxngzex baxnglo defngtaau lorng uexdaxng didciab phahji kab toansw. Si cit ciorng u impiaw, bunji, kab zusixn hoax kongleeng svaf hap id ee hextorng. Cviaa cioir ee jinoaan kab zugoaan doi uexdaxng zeazoi zhud cviaa zue koy phyncid ee kaozaai kab zheq, koiq uexdaxng mafsiong swiong siang siencixn ee zusixn hoax kangqu, chinchviu: phengji kiafmzaf, Harnji sujip hoad, doimuitea zeazoi nngftea kab diexnzuo iukvia toansw derng, koiq be kab hiexniuo hextorng hoatsefng booi-siongioong ee buxnduee. Phofsit Daibuun iwkoafn ee baxngzam maxsi siang u laixioong ee. Di Hancii diin dengkix ee Daigie baxngzam diofng, Phofsit Daibuun itdit si Hancii Diin sor zwlek tuiciexn koiq u koax ciofngpaai ee baxngzam.

Purn sia tuikorng Daigie Phengym Ji, sunzhuix si uixdioih bueq ho larn kaki kab kviafswn u cit qoarn uexdaxng qinsafng doex dioih seakaix diauliuu ee bunji kangqu. Goarn mxkvar ngrbang ciafngab qoanli ee laang parngha sindoan laai oih Daibuun. Cysi hibang maix qay sviuu zue siaxhoe zugoaan di phengym hongaxn ee zenggi kab zenglun defngbin. Chviar hoir hoir qoylu, qvoax bueq arnzvoar ciofng zugoaan kongpvii laai hunphoex ho bueq ui Daioaan gybuun cixn cit hun simlat ee laang.

Cit ee kuxtea ee kierngi si: Dexngkii kypan phengym ee kaoiok giefntoir kab diefnlarm hoe. Mxsi itzaix kypan dagke korng kaki oe ee zenglun kab booi hauxkoir ee toylun hoe! Erngkay mxsi kuyee sofui ee uyoaan zoankaf tuisiaw kaki jixmdeng ee hoir hongaxn, sidzex siong qoyleeng pexngbooi sengsek iafsi qiarmqoad liblun kizhor, iafsi qiarmqoad sidzexng ee qoygiam.Erngkay si kongqay kofle u kuxtea sengkoir ee laang laai zhamkaf peng hoatpiao zokphirn. Jichviar bueq zhamkaf ee laang aix u siongdofng ee zwnpi, pyjuu korng aix u siongdofng zuyzurn ee luxnbuun iafsi zokphirn laai hoatpiao. Cid ciorng u zoangiap sexng, suiaux ha kanghw kab nawkyn ee daixcix, booi erngkay cysi dagke pie qoanlek, pie jinsox laai zoix koatdeng. Na kandaf zaq cit ky zhuix laai ee, chviar hoir hoir zoix koancioxng, siongsex laai koanzhad padlaang ee iudiarm iafsi mng booi liawkae ee buxnduee. Na u hoir ee hongaxn hoatpiao, zuxjieen doi u laang himsiorng, zernghuo ma erngkay ka ciofngle kab kofle. Afnnef dagke ciaq uexdaxng di hagsip diofng kiuu cirnpo. "Ie hagsip daixtex zenglu," Daigie ee phengym hongaxn kab bunji zusixn ee zuyzurn ciaq uexdaxng teqkoy.

Goarn u cit ee bang, u cit kafng, iuodixhngg ee gynar kab daixhak sefng sor iong ee huohoi, di zheq, di diexnnao siong lorng si kaxngqoarn ee. Mxbiern gynar sii iong Daigie impiaw huohoi, doaxhaxn aix koiq iong lexnggoa ee Daigie bunji huohoi, diexnnao siong koiq aix iong lexnggoa cit qoarn ee sujip hoad huohoi. Hibang Daigie phengym doixsi bunji, ym kab ji u itdix sexng, uexhiao korng doi itdeng uexhiao siar. Sehofng cviaa zue bunji hextorng lorng si afnnef ee, iuodixhngg gynar kab sioyhak sefng sor oih ee phengym ji kaux daixhak lorng si kaxngqoarn ee. Afnnef, Daigie subin piawdat ee huxdafm ciaq uexdaxng kiarm cix siang qyn, Daigie bunji ee sengsek kab doex dioih seakaix diauliuu ee jidcie ciaq uexdaxng zar cit jit kaoui.

Kizaan diongsioyhak lauxsw si sidzex bueq ciongsu Daigie kaoiok ee laang, Daigie phengym hongaxn si mxsi uexdaxng cincviax kaykoad kaohak kab kaozaai zeazog ee buxnduee, si cviaa dioxngiaux ee qoylu. Zhamqoir yn kaohak kenggiam ee poykuix iekiexn, teqkiofng tietdea kaykoad Daigie phengym bunji hoax buxnduee ee hongaxn, ho yn u qaq zue kihoe kab sikafn laai ioxngsym giefnsip, teqkoy Daigie kaohak laixioong ee phyncid, Daigie ee kaohak zuyzurn kab bunhoax laixioong ciaq uexdaxng qoaesog teqsefng.